رایح الغالی غیر احوالی حسیناه
شوگی تعبنی ضیعت ابنی حسیناه
سافر الغالی وترک ابگلبی نارین
های من شوفت حبیبی اشتاگت العین
آه یا نجم الفرقد ولیدی ارتحل وین
ناشدت کلمن اشوفه وین الحسین
لیلی ساهرته وبنی ماشفته حسیناه
دهری عذبنی ضیعت ابنی حسیناه
*** *** ***
غایب من اعیونی لکن عایش اویای
بلمشی اشعر خیالی یمشی ویای
یا حبیب امک غیابک یصعب اهوای
مدری لیش اصفن وافزمن اشرب المای
نشف اریاگی عاصف اشواگی
فکری دولبنی ضیعت ابنی حسیناه
*** *** ***
فدوتک اربع بنین وکل الاحباب
غایب وماخذ بواب الهوا الهاب
یعنی ترضاهه انام ابعتبت الباب
یاضوه اعیونی ابتعادک مو بلحباب
هدم ارکانی معول احزانی حسیناه
لیلی یرعبنی ضیعت ابنی حسیناه
*** *** ***
زخرفت بابک ییمه احمر الون
مو صبغ هذه التشوفه دمع العیون
لا رساله ولا وصیه ولا تنشدون
مدری شنهی یصیح بذنی مایرجعون
راحو من ایدچ ذبحوا اولیدچ حسیناه
صوته صوبنی ضیعت ابنی حسیناه
*** *** ***
ال یغیب ایعود یبنی ونته ماجیت
مگبره صار ابغیابک والله مو بیت
یعنی یبنی الشوفت امک ما تمنیت
مو عله عهدک ترانی یبنی سلیت
راسی شیبته گلبی حطمته حسیناه
حزنی شیبنی ضیعت ابنی حسیناه
*** *** ***
کسرت الخاطر ییمه تکسر اگلوب
خل یموت الراح من اغله محبوب
عمری یلغالی فنیته بین الدروب
یبنی ظهر امک حنیته وچبدی مصیوب
صاحت اضلاعی من نعه الناعی حسیناه
*** *** ***
گتله جاوبنی ضیعت ابنی حسبناه
هایبن حذلم سئلته وانطر اجواب
گلهه ظل احسین عاری فوق التراب
والخیول ابصدره داست والگمر غاب
والاشد من های زینب ویه الاجناب
رحمت الباری علترب عاری حسیناه
من یجاوبنی ضیعت ابنی حسیناه
لشاعر سید عبدالخالق المحنه
الکلمات البحثیه:
