مجنون یا حسین ابحبک
مجنون مافارگ دربک
*** *** ***
یا من الک واجب صبح غیابی
وعلیک باچر بلمحشر حسابی
یسئلنی منکر واعلن ابجوابی
انت صلاتی وقبلتی وکتابی
یحسین خدمتک نوماسی
یحسین بیهه رافع راسی
*** *** ***
یل اسمک اباول نفس لفظته
وافق دلیلی وعقلی من عرفته
ماخذ علی نفسی عهد حفظته
مثل الصلاة الواجبه فرضته
مکتوب حبک اعله الوادم
مکتوب ابقه عندک خادم
*** *** ***
سمونی جاهل طائفی وموالی
واشما حچو عنی فلا ابالی
مجنونک وهذالاسم حلالی
وجنونی یعکس عن حجم کمالی
ماتوب وافهم من عیونی
ماتوب راح اظل بجنونی
*** *** ***
من عندی اسمع جملتی المفیده
واحسب کلامی فتوا مو قصیده
عدنه الحسین ایعادل العقیده
والیلمسه والله نگطع ایده
تحذیر احذرک مستاری
تحذیر لا تحرگک ناری
*** *** ***
لا تعتقد هم ینثنی عزمنه
معروف اصلنه واعترف خصمنه
حیدر ابونه والزچیه امنه
محمدنه زینب وابوفاضل عمنه
معروف اصلی من یا مسلک
معروف وانته اعرف اصلک
*** *** ***
ظنوا انعوفه احسین بلنهایه
گلنه حلم ابلیس بلهدایه
لا ننشغل بلرد علروایه
باچر یجیهم ردنه بلمشایه
زوار نسحگ اعله الجمره
زوار فدوه لبن الزهره
*** *** ***
لشاعر عادل اشکنانی
الکلمات البحثیه: