والله والله ابخیم زینب مایمرون
والله والله افنیهه کلهه واگلب الکون

***  ***  ***

انزل غضب بیهه ....اجیوش افنیهه
بچفوفی حته الگاع ..من ازعل اطویهه
ماخلی رگبه ابراس... وبسیفی اصفیهه
وانی وانی ابن الفحل وانتم تشهدون
والله والله ابخیم زینب مایمرون

*** *** ***
لو مر علیه الموت... یاخذ امر منی
وبکیفه مثل الناس ..موسهله یوصلنی
سیف انه وانشدروح ... روس الزلم عنی
بیدی بیدی والکلافه التصعب اتهون
والله والله ابخیم زینب مایمرون

*** *** ***
ابهمت علی وعباس ..شالتهن اسفوحی
وابوجهه سیف اعدای ..ماضحکت اجروحی
من روحی روحی اتخاف ..لو زعلت روحی
ویله ویله الگال بیه خل یغدرون
والله والله ابخیم زینب مایمرون

*** *** ***
زینب وانا العباس...وبدمی کافلهه
رایه وعگدها احسین ..من یگدر ایفلهه
های اختی واخت حسین ..ما واحد ایذلهه
دمعه دمعه ابعین زینب ماتشوفون
والله والله ابخیم زینب مایمرون

*** *** ***
انه الخنگت الخوف ..لمن صرخ کافی
انه الگلت للمای ..لا توصل اشفافی
وانه الوفیت ابیوم ...محد رضه ایوافی
ثاری ثاری ولوعفت هلثار مجنون
والله والله ابخیم زینب مایمرون

*** *** ***
یا عمی یا عباس ..من نادت اسکینه
من غیرک انت المای ..بچفوفه یروینه
نهر الفرات ابسیف ..جریته من عینه
یاهو یاهو غیر سیفی الیکسر اعیون
والله والله ابخیم زینب مایمرون

*** *** ***
سبعین الف بلسیف..من غیری بچاهم
صورت علی وعباس..بلموت راواهم
من مثلی مذلولین...بلدنیا خلاهم
ذوله ذوله ابغیر سیفی مایموتون
والله والله ابخیم زینب مایمرون

لشاعر ناظم الحاشی