سلام الله علی الشیبه الخضیبه

سلام الله علی الجثه السلیبه

گبل لا نرحل انزور    زیاره یوم عاشور

صبح یوم اهدعش اعلن قراره

شمر حادی الظعن وحنه الیساره

توکلنا ومشه ظعن الحیاره

اخذنا الحادی للحومه ابقراره

لگینا اموذره اجساد الغیاره

علی ظهر الابل نقرا الزیاره

سلام الله علی الانصار کلهم

سلام الله علی ابن ظاهر علمهم

سلام الکل النحور    زیاره یوم عاشور

***  ***   ***

یرمله ذاک جاسم ماتشوفین

عله مهلچ یرمله من تونین

اخاف اعلیچ من ونچ تطیحین

عفی گلبچ بلا جاسم تردین

بعد کافی ابزفافه لا تحلمین

اشبعی شوف منه ولا ترمشین

سلام الله عله الحلوه خصاله

سلام الله علی عیونه وجماله

سلام وگلبی مجمور      زیاره یوم عاشور

***  ***   ***

علی الاکبر یالیله های جثته

اشکثر متغیر ابنچ بس عرفته

شباب من الظما ذبلت وردته

اله فدوه خواته وفدوه عمته

یلیله انفطر گلبی من شبگته

گبل لا ینذبح بسته ابرگبته

سلام الله علی ذیچ المهابه

سلام الله علی زهرة شبابه

سلام وچبدی مجمور    زیارة یوم عاشور

***  ***   ***

بنات احسین یمی قربوهن

نشوف اشلون صایر حال ابوهن

یسکنه عظام صدره کسروهن

تره حته الاصابع گطعوهن

بقه عاری وثیابه سلبوهن

سلام الله علی چبده التگطع

سلام الله علی جسمه التوزع

ازور ودمعی منثور     زیاره یوم عاشور

***  ***   ***

تعالن خل نعد چم الف طبره

ونعد چم حافر امسویله حفره

اثر رجل الشمر لهسه عله صدره

تراب ودم تجمع فوگ نحره

یسکنه والدچ حیرنی امره

یعمه من الصدر ینشاف ظهره

سلام الله علی التسعة الاصابع

سلام الله علی الخنصر الضایع

زرت خنصره المبتور    زیاره یوم عاشور

***  ***   ***

اکو منظر بعد لحد تصدلیه

ترا عبدالله ذاک الماد رجلیه

یاهو البیه رحم یگدر یغطیه

رباب اعله الهزل گامت تنادیه

ابرمح راس الطفل لالا تخلیه

ارفعه ابسهم واحنه انباوع اعلیه

سلام الله عله نحرک المذبوح

سلام الله عله گلبک المجروح

سلام الباری والحور   زیاره یوم عاشور

***  ***   ***

دوجهن عالشریعه هنوب العیون

وخلی انشوف حال الکافل اشلون

ارید اگعد اگباله وما یقبلون

وارید معاتبه وخافن یسمعون

یبو النوماس مو طبع الیکفلون

یترکون الحرم تبچی وینامون

سلام الله علی طولک یا عباس

وریدک والچفوف عیون والراس

سلام وانته معذور   زیاره یوم عاشور

***  ***   ***

                                  لشاعر السید عبدالخالق المحنه