شفت الفصول الاربعه    یجتمعن ابجسمک سوه

نار ومطر مای وظما    بشفایفک صفنت هوا

فصل الخریف السلبک عاری وخصومک ناقمه

فصل الربیع ابمنحرک ینزف ینابیع الدمه

لکن شتاک ابلا برد ینزل دماک من السمه

صیفک تمیز بس لهب وشفافک الذبلت ضما

بعیونک انشاف العطش     جسمک علی الرمضه انفرش

لیش انت ماشالک نعش       واتطشرت مثل الضوه

***   ***   ***

ذابل مثل غصن الورد للغیمه شابح ناظره

راسک یحوم اعله الجسد والچف یدور خنصره

لیلک ولا شاف الندی نار النهار اموجره

من یمتلی جرحک رمل تنزل سما وتصعد ثری

چم فارس بجسمک عثر       کل حافر ایخلی اثر

نایم لچن شفتک سهر      وی زینب اتساهر سوی

***   ***   ***

المثلک ابصدره ذهب وانته اعله صدرک دم طفل

بیک السیوف اتزاحمت ومزاحم اسهام ونبل

وجروحک الما تنحسب واحد علی واحد عدل

وتلاگن ونزفن سوی بس کلجرح ینزف شکل

وجهک مثل شمس ابرمح   من کل جهه یشرق صبح

یاحسین اشوفنک جرح بس دمعه الحبک دوا

***   ***   ***

یلذابح المای ابعطش کل شی یروح ومارحت

من صابک امثلث سهم صاح السهم یالما صحت

کل السمه وشما حوت یتمنی یوقع من طحت

یاللی نمت بس ابجسد حاکم علی الناس اصبحت

یا مصحف الحب بسملک  بلطف حبیبک انزلک

وحی المصایب رتلک موتک حیاه القل هو

***   ***   ***

اربع فصول ابکل سنه وبساعه بیک اتجمعن

یالمنذبح کعبه اصبحت وبجمره العاشر سعن

یالراشف اریاگک نبی واشچم نبی بیک انطعن

وعیونک الما غمضن ویه الجسم یتوادعن

دمک مثل سیل انحدر     یطفح نهر ینسد نهر

وبصدرک تبین حفر تروی ولا گبرک روی

***   ***   ***

ندری السجود اعله الترب طف کربله اترابه اشتهد

اتوضه من دم منحرک ثم علی صدرک سجد

تسبیحه الزهره اشکثر میه وفرد ندری العدد

الف وسبع میت جرح تسبیحه اتراب الجسد

نحرک ولاصلی قضی     ضمتک خطاب المرتضی

رموشک یغازلها اللظی بس اللظی بیها انچوه

***   ***   ***

جنح الهوه یمک صفن ماحرکه اوراق الشجر

وجه السمه ووجه الارض یتلاگن او جسمک ثغر

نومک مثل نوم الجبل یغفه ویفز من المطر

ابن الخنه ابصدرک رفس   وانته ارفست صدر الدهر

حگهه البشر لو عشگتک     وتسودنت بمحبتک

یالغالی حتی ابنومتک چم فارس وشایل لوا

للشاعر السید عبدالخالق المحنه