احذر لا تجی ابخطه جدیده     موانه الیسام علعقیده

تبقه دمعت العین     وابقه خادم احسین    عقیده ...عقیده

کل فکره بدون احسین خالی محتواهه

یعنی الی حچاهه ایصیر مثل الما حچاهه

روحی انباعت اعله الدین واحسین اشتراهه

های اصدورنه امن احسین تتنفس هواهه

اسمعنی واخذهه منی کلمه    انه احسین گلبی عاشگ اسمه

مثله ینوجد وین       وابقه خادم احسین    عقیده ...عقیده

یلی اترید اعوف احسین هذی استحاله

هوه العنده مثل حسین شیخلی ابداله

سولف للورد ولیاس واسئۀ عن خصاله

خل تحچیلک النجمات عن روعت جماله

اوگف یم صفاته وافهم امره     بلکت تاخذ من افعاله عبره

رکز بلنظر زین      وابقه خادم احسین    عقیده ...عقیده

باقی والشعائر های بیهه ما اجامل

ابچی وامشی فوق النار والطم بالسلاسل

ما اترک طبخ عاشور اسمع یلمقابل

مو مثلک اصنع موت تفخیخ وقنابل

علمنی الحسین اخذ مکانی    محد یگدر ایهدد کیانی

گتلک مره واثنین    وابقه خادم احسین    عقیده ...عقیده

انه وانته مختلفین ما اخلی ایدی ابیدک

تنزل دمعتی ابعاشور وانته یبدی عیدک

دور غیری یمشی ویاک انه ما افیدک

انه ابقه احسین وانته عشگ یزیدک

خلینی ابجمر شوگی ولهیبی    ماقبلک تزعل حبیبی

احلفلک بلحسین      وابقه خادم احسین    عقیده ...عقیده

نهجه یسمتر احسین خله مایواکب

بحره من الحزن والجروح بی ترس المراکب

من اطبر اعله الراس تهتز الکواکب

من قیم الجروح اتطیح زخات المواکب

یل تشکل علیه منی فهم     دمعات المحب تخمد جهنم

دمعه وفت الدین   وابقه خادم احسین    عقیده ...عقیده

کل واحد یحب احسین بی یربط مصیره

روضه من الورد والروح یتنفس عبیره

من یمتلی صدری اهموم وتراودنی حیره

یفرجهه علیه احسین بلحظه الاخیره

من اعتنی یم شباچه زایر    انه اشما اکلفه ایگلی حاظر

لا ماگلی بعدین    وابقه خادم احسین    عقیده ...عقیده

معذوره الشمس مرات یم شباچه تگصد

اتحداهه لو فد یوم یم انوارک تصمد

الله خله نور احسین بی لمست تفرد

همزاته لوالی بیض وانفاسه زمرد

یل تنصحنی وفرهه النصیحه    حقک ماشفت جنت ضریحه

تدخل جنته امنین    وابقه خادم احسین    عقیده ...عقیده

للشاعر ایهاب المالکی