يـمـه ذكـريني من تمر زفه شباب           من العرس محروم وحنتي دم المصاب
شـمـعـه شـبـابـي مـن يطفوها         حنتي دمي والكفن ذاري التراب
يـمـه ذكـريـنـي يـمـه ذكـريـنـي مـن تـمـر زفـه شـباب

مـن ثدي النيبا راضع بصافي الحليب          وبهالشهاده صار الي قسمه ونصيب
حـوفـتـي بـدمـي خلها يفرشوها          حنتي دمي والكفن ذاري التراب

يـوم ا لـمبارك أصبح لديني شهيد          وافزع لعمي من يظل بالطف وحيد
رمـلـه بـمـصـابـي خل يواسوها         حنتي دمي والكفن ذاري التراب

اهلي وصوني بالوفا يوم الطفوف          ومن دم وريدي يصبح خضاب الجفوف
هـذي وصـيـتـي يـا الـتسمعوها         حنتي دمي والكفن ذاري التراب

دهـري  يـتّمني  والتزم عمي برباي          ما اعز عنه مهجتي وروحي ودماي
رمـلـه بـمـصـابـي خل يفجعوها          حنتي دمي والكفن ذاري التراب

والـوفـا  شـانـه يـنعدم بيه الوجود          وآنه وجداني يغتنم جنه خلود
نـيـتـي بـديـوان جـدي كتبوها           حنتي دمي والكفن ذاري التراب

صاح انه ابدینی ملتزم فرع واصول        افدی وجدانی والاجر عند الرسول

          وامی الزهره خل یهنوها            حنتی دمی والكفن ذاري التراب

الشاعر المرحوم كاظم منظور الكربلائي