القصاید الحسینیه شبــاب العبــاس
| ||
|
هذی طوعه والنعم خذت من مسلم عزم رغم ماهیه مره تسوه الاف الزلم الیله راح اکشف حقائق واسمع القول الصریح عن شریفه وحره گالت مایصح الا الصحیح ولاهی ساره ولاهی هاجر لا ولا ام المسیح هاذی وحده من سیوف احسین ابوالیمه الذبیح حچایه عندی بهالمسه الوحده من خیر النسه منهو هذی الیاتره تسوه الاف الزلم *** *** *** راح اسولف عن مره مظلومه بخبار الکتب طوعه شمس الکوفه ذیچ الما تغطیه السحب ربنه لو یاذن جهاد المرأه تدخل بالحرب چان شفنه طوعه شتسوی ابحربها من تطب ویه مسلم لو تهد الزلم منها ترتعد السیف لمن تشهره تسوه الاف الزلم *** *** *** ابد ماتعنی الشجاعه سیف بالحومه فقط الشجاعه اتکون حازم بالمواقف یشترط طوعه وی الکوفه چانت ماکو عدها حل وسط وعدهه بس مسلم سفیر الحچیه مایقبل غلط الخانو ابمسلم عهد مایهمونه بعد عنده حرمه ابعسکره تسوه الاف الزلم *** *** *** اویه السفیر من البدایه چنتی غصبا عالخطر یالفتحتی گلبچ وبیتچ المسلم واستقر والله خی عونچ یطوعه ابدارچ امضیفه گمر والف هنیالچ یمن شربتی بچفوفچ بحر فرشی دارچ بالرمش ضیفچ اللیه العرش والعیون الساهره تسوه الاف الزلم *** *** *** من تعنه للحرب وابربه مسلم مستعین گلتی روح امودع ایعینک امیر المومنین مدری عوذتیله سیفه ابسوره الفتح المبین لو قریتیله اعله راسه الفاتحه لم البنین ویه مسلم من برز اعد صحتی من ارتجز صیحتچ بالزنجره تسوه الاف الزلم *** *** *** ابظهرچ المحنی یطوعه اویاه چانت وگفتچ اوشیبتچ بالراس بیضه اهوای تشبه نیتچ الکوفه لو نعصرها مایطلع ربع من غیرتچ جیش ابن ازیاد کلهایروح فدوه الشیلتچ الکوفه خانت بالوعد وانتی صحتی لا ابد غیرتچ یمخدره تسوه الاف الزلم *** *** *** وحین شفتی الجیش گاصد واعله دارچ مجتمع لذتی خلف الباب حتی لا علیکم یندفع بس اگول الحمدلله منکسر منچ ضلع ولا طلع مسلم مفرع راسه ویهل الدمع طوعه بالزهره اقتدت عن ولی الله ادفعت ابهالشرف والمفخره تسوه الاف الزلم *** *** ***
الشاعر میرزا عادل اشکنانی
الکلمات البحثیه: |
|
جمیع حقوق هذه الموقع محفوظه للنشر
|