رحمه بالتشتم هواک     انظر الترکض وراک   

موعلیله وبیه حیل    عالسفر اگدر معاک   عالسفر اگدر معاک

***     ***   ***

یالنویت اعله الرحیل   وانه ارکضلک وانوح

 من خذت کل الخوات     بویه خاوتنی الجروح      بویه خاوتنی الجروح

تدری مو سهل الوداع   بعدک ابقه ابلایه روح

حسین ثانی لو یصیر   گلی وینه وخل اروح     گلی وینه وخل اروح

یاهی عدهه بهالانام     ابو معصوم و امام

وینه لاگیلک بدیل     وانته واحد لا سواک

***     ***    ***

صحت بویه ابعالی صوت    لو علیله اشلون اصیح

وانه لو مابیه حیل      مارکضت وچنی ریح   مارکضت وچنی ریح

کلشی مابیه وتشوف   لایغرک من اطیح

عثرت جدمی العباه    گمت بس چفی جریح    گمت بس چفی جریح

مو مهم جرحی الیسیل      فکر ابجرح الدلیل

الهذا لو یحصل ضماد     گلی اشیضمد هذاک

***     ***      ***

حتی اثبت بالدلیل       علتی والمرض طاب

خذنی اخدم بین ایدیک      بویه وامرک مستجاب    بویه وامرک مستجاب

احمل ابچفی الرضیع     خلهه ترتاح الرباب

لو یفز امن المنام      اقره آیات الکتاب     اقره آیات الکتاب

اسهر بلیلک هدو   وانه اجهزلک وضو  

وابصلات اللیل اگوم          واندعی واطلب رضاک     واندعی واطلب رضاک

***   ***     ***

اقسم اباسمی علیک    والیذکرک بالبتول   

لاتخلینی ابعذاب   بویه واغیابک یطول   بویه واغیابک یطول

خذنی راح اتشافه بیک    لو علیله اعلی تگول  

الورده لو ماتلگه مای     بیهه شیسوی الذبول     بیهه شیسوی الذبول

شنهو اتنفس ترید    والهوا خذته بعید

ودنیتی من هالنهار   ابعینی ضلمه ابلاهواک

***    ***   ***

علم عندک خل یصیر     ترا اول ماتغیب

علتی ترد من جدید   وتبدی اعراض النحیب   وتبدی اعراض النحیب

والوضع یصبح خطیر   ابسکتتی وموتی غریب

تعرف العله ودوای   واللی میعرفه الطبیب   واللی میعرفه الطبیب

اسم هالعله حنین   والدوا اسمه الحسین 

شوگی میجامل حیاه   اشگد سهل عنده الهلاک     اشگد سهل عنده الهلاک

***    ***    ***

خاطرک ادری کسیر      لا ازیدک انکسار

شوف التحّتم علیک       الک راجع هلقرار      الک راجع هلقرار

امری لله من تروح      اشبیدی غیر الانتظار

والمدینه الجنه بیک     استغفرالله چنه نار    استغفرالله چنه نار

ولون ماگبر الحبیب     هلوطن یصبح غریب 

ضیگت صدر السما    والارض تبچی ابخطاک

***    ***     ***

گلبی مادری شجاه      ایگلی هذا اخر لقاء

وبس یردد ست حروف     وحده اسمهه کربلا   وحده اسمهه کربلاء

اعلینه لو ویانه های   لیش احس کلهه دماء

تذبح من اهلی رجال   وبالسبی  تبعث نسا ء   وبالسبی  تبعث نسا ء

احساسی اتمنه یخیب    وماکو مسبیه وخضیب

عمتی اترد ابوقار   وعمی بیده ایرف لواء

***    ***    ***

اوداعه الله یالمشیت       وبعد ماظنک تعود  

الوعد اتوقع یصیر       بویه بجنان الخلود        بویه بجنان الخلود

یاهو یسبق بالممات       تنحفر لجله اللحود

یوصل اول بالجنان        یهدی للثانی ورود     یهدی للثانی ورود

عگب احلام وطیوف     تالی تجمعنه الحتوف

نلتگی وهناک اگول     عالسفر اگدر معاک

الشاعر علی السقای