لیله اعله لیله    اتموت العلیله

علیلتکم یهاشم دوروهه          تموت من المرض لو ماتجوها

  بعدها ازغیره لالا تقهروها        مشه عمها واخوها وحتی ابوها

غیبه طویله       اتموت العلیله

یهاشم عالاقل واحد یجیهه       یشوف اشصار ماصایر علیها

اذا یرجع ابوها ویعتنیها        اکیده کل مرض مایبقه بیها

من تشتکیله       اتموت العلیله

یجیهه الاکبر بهای المسیه        یجیهه ابصوقه من الغاضریه

تره صوغتهه ترچت رقیه       یجی الاخ الچبیر وهای هیه

المدمع تسیله     اتموت العلیله

بعد صار المصاب بطف الجراح      صعوبه المیت ایرد بعد ماراح

الطیر ایرد صعب للعش بلاجناح      گلی اشلون بالراسه عله الرماح

یطول رحیله       اتموت العلیله

یجی العباس عمها للمدینه       حنین وادری مشتاگه لحنینه

شرط بس من یجی مصیوبه عینه      یجی ابلا یسرته وبلا یمینه

امصایب ثجیله     اتموت العلیله

تجی زینب تواسیها ابحزنها      عسی بهالشوفه یسکن عالی ونهه

شرط زینب تجی ازرگ متنهه     ابعبایه محرگه ترد الوطنها

وین العقیله       اتموت العلیله

واذا رد الحسین العله تبره       اکید الطفله تفرح بس تنظره

شرط بس من یجی مگطوع نحره     یجی وطبع الحوافر فوق صدره

ذایب دلیله       اتموت العلیله

کرار حیدر الخفاجی